Siareir@s Galeg@s recebe à seleçom galega de futsal

Outubro de 2008

 

Umha vintena de membros do colectivo Siareir@s Galeg@s, receberom no Aeroporto de Alvedro, na Corunha, às jogadoras da selecçom galega de futsal, que vinham de conseguir o sub-campionato no Mundial de Futebol Salom, celebrado durante a passada semana em Reus.

 

O desporto galego volveu a demonstrar o seu alto nível competitivo, deixando mais umha vez em evidencia a propaganda espanholista que insiste na nossa escassa capacidade desportiva da Galiza.

 

A selecçom galega, tivo umha mais que digna participaçom num campionato no que participarom umha dozena de naçons e estados europeus, oceánicos ou americanos. Os meios de comunicaçom optarom como de costume pola dupla estrategia da intoxicaçom e silenciamento, numha descarada maniobra de desinformaçom com o objectivo de ocultar um evento dumha enorme transcendência e simbolismo.

 

As jogadoras brindarom o sub-campionato às e aos familiares e siareir@s que lá esperavamos e atenderom ao nosso colectivo para o que realizarom várias entrevistas que disponibilizaremos na nossa página nos próximos dias.