COMUNICADO DE SSGG PERANTE A ÚLTIMA MENTIRA DO "EL CORREO GALLEGO".
Em 10 de janeiro o citado meio publicava a seguinte nova;
nova na que se fai referência de forma interessada ao nosso colectivo polo seguinte queremos manifestar:
- Siareiros Galegos è umha organizaçom pública, alegal, assemblear e autogerida, cuns princípios claros desde quase 15 anos atrás, a luita pola criaçom e a oficialidade das selecçons galegas em todos os eidos deportivos. Uns objetivos bem claros e nada "engañosos" como refere o EL CORREO GALLEGO, que nos figerom ganhar apoios entre gente do desporto, cultura, espectáculo, política ...)
- Que Siareiros Galegos nunca recebeu subsídio nengum como colectivo, como afirma o dito jornal. Subsídios pola contra que si que cobra e em forma de milhares de euros o EL CORREO GALLEGO vindas da Junta do PP e da extrema direita espanhola aos quais se encarrega de ter ledos com as suas novas (Nom mordas a mao que che dá de comer) .
- Que a jornada do 26 tinha como lema "Selecçom nacional, direito popular" e tinha como objetivo chamar a atençom sobre a nossa reivindicaçom da Selecçom Galega, e nom um "acto de exaltacion de la identidad nacional gallega" como escreve o EL CORREO GALLEGO. Esta jornada foi um rotundo éxito, onde na manifestaçom SSGG mobilizou a tante gente como anos anteriores e encheu Santa Isabel, mobilizando mais de 2000 pessoas durante toda a jornada. Previamente à celebraçom da jornada o EL CORREO GALLEGO dedicou-se a umha ocultaçom clara da mesma e umha vez celebrada este jornal encarregou-se de mentir para qualificar de testemunhal a presença de gente no dia 26 de dezembro. Mais umha vez declaramos que nom precisamos de este tipo de meios de comunicaçom, Existem fotos e vídeos que fam ver a realidade que este meio oculta, assim como a solidez do nosso projecto a pesar deste ano nom contar o jogo com grandes estrelas, actos publicitários, apoio institucional, etc, etc, etc ...
- Por último, desde SSGG exigimos umha rectificaçom pública a este meio jornalístico e rogamos ao Colégio Profissional de Jornalistas de Galiza que tome medidas no assunto ao vulnerarem jornalistas deste meio o Código Deontológico. De continuarem as calúnias, mentiras e demais informaçons interessadas desde SSGG anunciamos que estudaremos medidas legais para reverter esta injusta situaçom.
Na Terra, a 11 de janeiro de 2010
